Монголын цахим спортын тамирчид дэлхийн аварга боллоо
Цахим спортын олон улсын холбооноос зохион байгуулдаг IESF цахим спортын аварга шалгаруулах тэмцээн Румын Яссы хотод есөн өдрийн турш болж өндөрлөлөө. Тус тэмцээний DOTA-2 тоглоомын төрөлд Монгол улсыг төлөөлж оролцсон "IHC esports" баг түрүүлж, 50 мянган ам.долларын шагналын эзэн болжээ. Аваргын төлөөх тоглолтод Монголын баг Мьянмар улсын шигшээ багтай тоглож 2:1 харьцаатайгаар ялалт байгуулсан юм. Түүнээс өмнөх тоглолтоо Киргизийн багтай хийж мөн 2:1 харьцаатай ялжээ. Ингэснээр 2013 онд и-спортын ангилалд орж ирсэн Dota 2 тоглоомын төрөлд Монголын баг түүхэн дээд амжилт үзүүлсэн байна.
Зургийн эх сурвалж: "International Esports Federation"
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.