Пара цаначин Б.Ганболд Америк тивийн аварга шалгаруулах тэмцээнээс хүрэл медаль хүртэв
Канад улсад болж буй Америк тивийн аварга шалгаруулах тэмцээнээс гүйлтийн цаначин Б.Ганболд хүрэл медаль хүртсэнийг Биеийн тамир, спортын улсын хорооноос мэдээллээ. Тэрбээр Үндэсний шигшээ багийн дасгалжуулагч Ж.Дашдондогийн удирдлага дор 5 км-ийн сонгомол ангилалд гурван орны зургаан тамирчинтай уралдаж, 17:57.7 минутад барианд орсон байна. Б.Ганболд маргааш тус тэмцээний 10 км-ын зайд уралдах бол дараа нь Норвегийн аварга шалгаруулах тэмцээн, Финляндад ирэх сарын 17-23-нд болох Дэлхийн цомын цуврал тэмцээнд оролцох юм байна. Тэрбээр “Сочи-2014”, Пёнчан-2018”, “Бээжин-2022” өвлийн Паралимпын наадамд оролцож байсан, Азийн цомын хүрэл медальтай тамирчин юм.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.