Монголын марафонч Азийн аварга шалгаруулах тэмцээнээс хүрэл медаль хүртлээ
Марафон гүйлтийн тамирчин, ОУХМ Г.Хишигсайхан Ази тивийн аварга шалгаруулах тэмцээнээс Монголын зургаа дахь медалийг эх орондоо авчирлаа. Тэрбээр өнгөрөгч сарын 30-ны өдөр Хятадад болсон 20 дахь удаагийн тэмцээнээс марафоны 42 км замыг 2:28.56 цагт туулсан амжилтаар хүрэл медаль хүртсэнийг БТСУХ-оос мэдээлэв. Энэ тэмцээн Ази тивийн 18 орны шилдэг тамирчдын дунд өрнөсөн бөгөөд манай улсаас Гавьяат тамирчин Б.Сэр-Од, ОУХМ Ц.Бямбажав, Б.Мөнхзаяа, Г.Хишигсайхан нарын дөрвөн тамирчин оролцсон юм. Тэгвэл 2024 оны Ази тивийн аварга Г.Хишигсайхан ийнхүү хоёр дахь медалиа хүртсэн байна. Харин бусад тамирчдаас Б.Сэр-Од 2:15:13 цагийн амжилтаар шагналт зургаадугаар байранд шалгарчээ. Өмнө нь энэ тэмцээнээс манай Б.Сэр-Од 2008 онд мөнгө, 2013 онд алт, Ж.Олонбаяр 2015 онд хүрэл, Ц.Бямбажав 2017 онд хүрэл медалийн эзэн болж байв.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.