Ирэх оны улсын төсөвт 150 мянган иргэн санал өгчээ
Засгийн газраас 2026 оны улсын төсвийг боловсруулахад олон нийтийн оролцоог хангах зорилгоор энэ сарын 1-нээс эхлэн нээлттэй санал асуулгыг орон даяар эхлүүлсэн билээ. Тэгвэл өнөөдрийн байдлаар 150 мянган иргэн E-Mongolia системээр дамжуулан төсөвт саналаа өгчээ. Түүнчлэн нийт 12 удаагийн танхимын хэлэлцүүлгийг энэ сарын 4-14-ний өдрүүдэд боловсрол, эрүүл мэнд, гэр бүл, хөдөлмөр нийгмийн хамгаалал зэрэг салбар бүрээр зохион байгуулж байна. Иргэд мөн Засгийн газрын 11-11 төв, Яамдын цахим хуудсаар дамжуулан саналаа өгөх боломжтой аж. Санал асуулга энэ сарын 14-нийг дуустал үргэлжлэх бөгөөд энэ нь төсвийг боловсруулж батлах үйл явцад иргэдийг татан оролцуулж, ил тод, нээлттэй төсвийн шинэчлэл хийхэд чухал ач холбогдолтой.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.