Дэлхийн хамгийн өндөр настай эмэгтэй 116 нас хүрэв
Өнгөрсөн дөрөвдүгээр сард Гиннесийн дээд амжилтын номд дэлхийн хамгийн өндөр настай эмэгтэй хүн хэмээн орсон Их Британийн иргэн Этель Катерхэм өнөөдөр 116 нас хүрлээ. ABC News телевизийн мэдээлснээр тэрбээр 1909 онд Английн нэгэн жижиг тосгонд төрсөн бөгөөд цэргийн алба хашдаг нөхрөө даган 18 настайдаа Энэтхэгт очиж олон жил суусан бол хожим нь Хонконг, Гибралтарт амьдарч байжээ. Э.Катерхэм одоо Английн Сюррэйд амьдардаг байна. Өмнө нь дэлхийн хамгийн өндөр настай эмэгтэй хүн гэгдэж байсан Бразилын иргэн, 116 настай Ина Канабарро Лукас өнгөрөгч дөрөвдүгээр сард нас барснаар тэрбээр Гиннесийн номд бичигдсэн юм. Э.Катерхэм урт насалсан нууцынхаа талаар хэвлэлд ярихдаа “Би хүнтэй муудалцаж үзээгүй. Хүн юм хэлбэл дуугай л сонсдог. Бас юу хийх дуртай, тэрийгээ л хийдэг” гэжээ.
Гэрэл зургийн эх сурвалж: ABC News
ТӨСТЭЙ МЭДЭЭ
Хуйвалдааны онол юунаас үүдэлтэй вэ?
2026-06-04
Эхдээ гологдсон бяцхан муурын түүх
2026-06-03
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.