Монголчуудын тавьсан “Амьдрахуй” жүжгийг Тувагийн Үндэсний театрт тоглоно
Орчин цагийн Хятадын хамгийн алдартай зохиолчдын нэг Үй Хуагийн “Амьдрахуй” романаас сэдэвлэсэн драмын жүжгийг “Орфей” театр найруулан өнгөрсөн оны 10 дугаар сарын 1-нээс Монголын үзэгчдэд толилуулсан билээ. Жүжгийн найруулагчаар М.Батболд, продюсерээр Т.Ариунчимэг, жүжгийн зохиолчоор “Тагтаа” хэвлэлийн газрын орчуулагч, яруу найрагч М.Батбаяр ажилласан юм. Тэгвэл монгол уран бүтээлчдийн тайзнаа амилуулсан уг бүтээлийг ОХУ-ын Тува улсын Үндэсний хөгжимт драмын театр франчайзын гэрээгээр худалдан авч тавихаар болжээ. Жүжгийн нээлт ирэх сард болно. ЗСБНХУ-ын Ардын жүжигчин В.Хөх-Оолын нэрэмжит Тува улсын Үндэсний хөгжимт драмын театр 1936 онд байгуулагдсан бөгөөд К.Гольдони, Н.Гоголь, И.Ольшанский, К.Маньэ нарын олон арван бүтээлийг тайзнаа найруулан тавьжээ.
ТӨСТЭЙ МЭДЭЭ
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.