Хятадын тамирчин хүндийн өргөлтийн хоёр дээд амжилтыг эвдлээ
Тайландын Пукет хотод болж буй Олон улсын хүндийн өргөлтийн холбооны Дэлхийн цомын тэмцээний эрэгтэйчүүдийн 102 кг-ын жинд өрсөлдсөн Хятадын тамирчин Лю Хуанхуа дэлхийн хоёр дээд амжилтыг даваа гарагт шинэчиллээ. Тэрбээр түлхэлттэй өргөлтөөр 232, нийт дүнгээр 413 кг-ыг өргөснөөр шинэ дээд амжилт тогтоожээ. Хятадын тамирчин эхний удаа 181 кг-ыг захиалж алдаад оноогоороо тавдугаарт жагсаж байсан тул байраа урагшлуулахын тулд хоёр дахь оролт дээрээ 225, гурав дахь дээрээ 232 кг-ыг түлхэлттэй өргөсөн байна. Тэрбээр энэ тухайгаа “Хамаг байдгаараа хичээж бэлтгэл дээр өргөдгөөсөө ч илүүг өргөн дэлхийн дээд амжилтыг эвдэх зорилгодоо хүрч чадлаа” хэмээн ярьжээ. Сонирхуулахад, Хятадын хүндийн өргөлтийн 100-гаас дээш кг-ын жингийн тамирчид Олимпын наадмаас алтан медаль огт авч байгаагүй юм. Тиймээс Лю Парисын Олимпоос улсдаа энэ ангиллын анхны алтан медаль авчрах зорилго тавьжээ.
ТӨСТЭЙ МЭДЭЭ
Хуйвалдааны онол юунаас үүдэлтэй вэ?
2026-06-04
Эхдээ гологдсон бяцхан муурын түүх
2026-06-03
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.